拜仁慕尼黑（圖）前晚喺德甲作客禾夫斯堡，憑京士利高文同羅拔利雲度夫斯基入波贏2:0，開出咗[-1]「客勝」，歇冬後八戰六勝兩和，兼且近五仗第三次贏盤，家陣仲喺聯賽榜，以23戰得62分遙遙領先。歇冬後傷癒復出嘅列貝利，連續第三場後備登場，雖然仲未入波，不過前晚就間接助攻羅拔仔入佢今季聯賽第23球；至於同樣傷癒復出嘅馬里奧葛斯，連續兩場坐喺後備席都冇份出，但德甲周中開快車，估計教練哥迪奧拿會派佢落場鬥緬恩斯，等佢可以提升狀態。