香港百米飛人徐志豪之前幫運動品牌拍短片，出嚟效果幾好兼幾有型，短片入面佢仲話：「我哋唔好俾人睇少，亞洲人都可以企喺田徑界嘅尖端，都可以跑得一樣快。」噚日佢就去到灣仔運動場出戰香港田徑系列賽第一站，喺男子100米跑以10秒55稱王，比上月底香港一項田徑賽造出嘅10秒62有進步，志豪話雖然比預期跑入10秒3、4有距離，但唔會放棄，會繼續衝。