搭飛機坐乜位好重要，尤其長途機，一個唔好彩要坐中間位，左右護法夾住你，想將頭挨往一邊睡又不行，雙腿間中想放左放右都不行，人有三急想開聲卻怕嘈醒人惹來白眼，隨時全程12小時都瞓唔着，真係一出發即刻唔興奮。撞正有些航空公司能在買機票時立刻揀埋機位，當然是好得無比，但好多亞洲航空公司都無呢個服務，又或者要加錢，為了能同時慳錢又保障到自己的權益，惟有24小時前盡早做online check in鬥快揀位，但若碰巧無得上網，或忙得滯唔得閒辦手續，就只能自求多福。
最近漢莎航空的科技發展部門Lufthansa Innovation Hub，推出了一個幫人自動online check in的網頁airlinecheckins.com，24小時前check in系統一開通，網頁程式就會在一分鐘內幫你霸好靚位及辦妥登機手續。點為之霸靚位？定義人人唔同，所以網頁讓人預設「座位偏好」：坐窗口位或走廊位、機頭或機尾及近不近廁所等。在網頁登記後，會獲發一個屬於你的e電郵賬戶（例如：[email protected]），每次買機票後將電子機票發送到這電郵，就無後顧之憂。這自動online check in網頁暫時支援全球超過100間航空公司，包括國泰、港航、日航、泰航、HKExpress、捷運等。登記用戶的資料，會受到德國個人資料私隱法例保障，用家大可放心。
記者：盧懿靜
資料來源：Condé Nast Traveller