一連兩場的「顧嘉煇金紫荊慈善演唱會2016」前晚在紅館開鑼，由鄭少秋、汪明荃、仙杜拉、葉麗儀、陳潔靈、關菊英、張德蘭、杜麗莎、羅嘉良、蘇永康、區瑞強和C AllStar演繹煇哥歷年經典金曲，並由一代笑匠許冠文以棟篤笑形式向煇哥致敬。
許冠文：人越來越無情
許冠文在台上慨嘆現今流行曲越來越無情，許多時更不明歌詞意思，他說：「歌越來越無情，人都越來越無情。大家見面唔講嘢，淨係㩒㩒㩒。我最憎啲人話『Call你呀』，咩叫『Call你呀』？就係晚飯前如果冇更重要嘅人約我，就同你食飯，如果有更重要嘅人call我，你就食自己！我一定唔會等人call我，呢個世界兩種人等人call，一係醫生一係做雞嘅，我又唔係做醫生又唔係做雞……世界好似越來越無情，不過我每次聽番煇哥嘅歌就會溫馨番。」而羅嘉良演唱完《季節》後，在台上為香港人打氣說：「《季節》講人生遇高低起跌，有時會遇寒冬，唔緊要，香港遇到冬季過後好快就春天。」
前晚汪阿姐與秋官合唱《紫釵恨》時風騷自轉期間險些仆倒，幸最後有驚無險，去年5月汪阿姐在煇哥演唱會上，高呼：「2017一定要得」撐政改，結果惹來噓聲。前晚她演唱《萬水千山總是情》後，又有感而發叮囑學生一定要讀書，因讀書才會更明道理，她說：「唔會為一時衝動，以整個香港利益着想。我每場講嘢都有壓力，因為唔想重複之前歌手講嘅嘢，呢啲係我發自內心，煇哥嘅歌令我哋回顧，我哋呢幾代人幾努力做好香港，要珍惜呀。」最後煇哥上台指揮一眾歌手合唱《獅子山下》，為演唱會畫上圓滿句號。
採訪：盧妹
攝影：仇志德
煇哥金曲唱不停
1.網中人（張德蘭）
2.情義兩心堅（張德蘭）
3.只有情永在（張德蘭、區瑞強）
4.相識在童年（區瑞強）
5.那天再重聚（區瑞強）
6.奮鬥（杜麗莎）
7.幸運是我（杜麗莎）
8.今晚夜（陳潔靈）
9.星夜星塵（陳潔靈）
10.鐵血丹心（陳潔靈、C AllStar）
11.世間始終你好（陳潔靈、C AllStar）
12.難為正邪定分界（C AllStar）
13.啼笑因緣（仙杜拉）
14.風雲（仙杜拉）
15.當年情（蘇永康）
16.摘星（蘇永康）
17.季節（羅嘉良）
18.小李飛刀（羅嘉良）
19.狂潮（關菊英）
20.過客（關菊英）
21.雪山飛狐（關菊英）
22.上海灘（葉麗儀）
23.紅顏（葉麗儀）
24.京華春夢（鄭少秋）
25.輪流轉（汪明荃）
26.勇敢的中國人（鄭少秋）
27.倚天屠龍記（汪明荃）
28.紫釵恨 （鄭少秋、汪明荃）
29.萬水千山總是情（汪明荃）
30.用愛將心偷（汪明荃）
31.黃帝子孫（鄭少秋）
32.書劍恩仇錄（鄭少秋）
33.獅子山下（群星合唱）