寶查啱啱喺上周四22歲生日，呢位喺世界排名最高曾經排第五嘅加拿大女網手，近兩年成績唔多理想，𠵱家已經跌到落61位，上星期先喺卡塔爾網賽第三圈出局，不過寶查BB似乎依然心情靚靚，日前飛咗去馬來西亞備戰之餘，亦去當地嘅購物商場逛吓，佢喺一間體育用品舖頭，見到自己做model嘅宣傳廣告，就好鬼馬咁扮番相同動作影相留念。