憑着愛，我信有出路。
偷聽器，寒夜裏我有一個，懷着冷卻了的滾水加葛湯。
這兩段不是新界東助選暗語，編輯別緊張。助選，必須同路，同行兼有心。簡體那個愛字，是淨身ＢＢ那種畸形的走心愛，追隨者就算多過葉劉有九萬個like都是死路一條。對，皮草是死去動物的遺體，只有毛沒有心，襯晒議會裏的空心老倌。空心，自然流。流會，流嘢，攬炒。
明天新界東那一票，堅定流？坐定粒六的候選人，忽然告急，盲嘅都見到了，用虛擬磚頭出擊的套丁鄉紳，仆街都唔會過票！掌心雷和輪椅團唔肯撐場，港大校委姓紀那位婦人懷疑的真空保溫瓶，真的兼具偷聽功能又唔錯，蛇齋餅壺，家家有隻備用，西環、民X聯、校委以至警隊全面掌控港豬生態，邊度有環保酵素武器庫，邊個收埋26元一隻電磁炮，暴徒，all in一壺過，拉晒！
補選投票，試問點會含淚，笑位咁激，真係見過！94萬新界東的登記選民，明日記得搓住笑穴，帶埋私家「竊聽器」去票站，暖笠笠打卡！