周日係立法會新界東補選，不過其中一個候選人好似搞錯選區參錯選喎！噚日網上瘋傳一張民建聯周浩鼎嘅宣傳單張，上面寫住「2016立法會新果東補選候選人」（下圖箭嘴示）。學民思潮成員伍善恆喺fb上載呢張民記沙田支部「新果東」拉票單張，除咗有周浩鼎玉照，仲有民建聯主席李慧琼、立法會議員葛珮帆同社區幹事蔡惠誠嘅相片，學民成員黎汶洛亦喺fb轉載，仲揶揄：「周浩鼎可能會喺佢選區自動當選，原來佢選緊全港首創第六選區：新果東！」
八方唔知香港有「新果東」呢區，不過網民對於佢單張出錯、又出現關公災難，好似唔多出奇，皆因民建聯過去喺寫錯字方面都有唔少往績，有網民講笑話：「果然係同一個黨」，仲叫大家︰「唔好蝦頂頂啦，一陣頂頂又喊啦。」