唐文龍昨日現身灣仔數碼電台接受譚玉瑛訪問，他表示在橫店拍戲四個月：「新年主要陪爸爸媽媽，反而新年後就同我個大學兄弟去咗大阪旅行。」他第一次跟朋友去旅行，他說：「以前同女朋友去就係甜蜜嘅，但同兄弟去就可以講吓粗口，望吓女仔。」曾在《人生馬戲團》跟鍾嘉欣合作，得悉對方結婚：「好替佢開心，睇到報道知佢丈夫係醫生。」