馬會係復活節期間（3月25日及26日），又再喺沙田馬場同彭福公園搞「同心同步同樂日」大型嘉年華，今次有乜新搞作？原來今年係香港奪奧運第一金20周年，於是馬會搵咗1996年亞特蘭大奧運滑浪風帆金牌得主李麗珊，以及喺殘疾人奧運奪輪椅劍擊金牌嘅張偉良，仲有曾奪奧運羽毛球混雙銅牌嘅陳念慈，借出佢哋嘅奧運獎牌喺嘉年華展出。
噚日馬會嘅傳媒預覽活動中，珊珊（圖）同曼聯足球學校駐港總教練克里斯托弗．奧拜恩鬥踩發電單車，由馬會行政總裁應家柏公證，珊珊果然寶刀未老，踩咗冇耐燈牌就發光，顯示速度已「爆錶」！難怪應家柏一早睇好珊珊會贏！