黎明（Leon）將於4月28至5月3日在中環海濱摩天輪旁舉行六場演唱會，由於Leon近5年沒有舉行個唱，加上是次會大玩4D，不少樂迷皆熱熾期待，即使只供內部認購的鑽石級套票高達2,980元一張，樂迷仍重本熱搶。
不過，下月中始公開發售的門票，昨日已有人放上網狂晒，當中至少有20張980元門票，演唱會的十字形舞台亦已公開，令網民即時起哄，表示有黃牛黨搶票成功。記者即時聯絡A Music行政總裁王凱文，他說：「呢批門票係畀指定銀行嘅員工優先買嘅，我哋會留意住，唔會俾任何人做不法嘅嘢，銀行方面話會了解件事，如果證實有職員違規，會對有關員工作出處分。」
採訪：草津