開放大嶼山自駕遊，雖可增加更多遊客推高消費數字，但不是所有商戶都舉腳贊成，有店主憂配套不足會帶來問題。在嶼南長沙經營餐廳及便利店的Frankie指出，大嶼山嚴重缺乏泊車位，本已不足應付當地居民，加上通往長沙的路極窄，且是單線雙程行車，「所以每當有大型貨車出入時都會塞死晒，啲車又掉唔到頭，好容易刮花，如果報埋警仲煩，又要塞住搞一大輪」。
記者日前採訪所見，Frankie店外的泊車位已接近泊滿。Frankie解釋，居民大多互相認識，必要時都可聯絡對方開車讓路，「但外來人泊低架車後唔知去咗邊，佢哋又未必識揀一啲唔阻人嘅位嚟泊，我相信自駕遊實施後，會增加好多爭拗」。
大型車輛出入更受阻
他又說，嶼南本身沒貨倉，只能依賴貨車由外面運貨入來，假如將來有更多車佔用泊位，貨車更難駛至其店外，他很可能要徒步行斜坡到路口搬貨。他說，不少當地商戶都對自駕遊計劃有所保留。