最新一份預算案，無論係住公屋定係住私樓嘅，剛結婚嘅小夫妻定係已退休嘅長者，抑或仲做緊實習嘅大學生、做生意嘅商家，係咪都可以受惠？《蘋果》特別製作一段2D圖解新聞，等大家睇睇預算案邊樣措施關你事。
今年預算案又提出退稅，薪俸稅同個人入息課稅繼續寛減75%，上限2萬元；基本免稅額由12萬元加到13.2萬元；已婚人士免稅額增加2萬元至26.4萬。供養父母或祖父母免稅額亦有增加，60歲以上嘅加到4.6萬元；55至59歲就加到2.3萬元。做生意嘅就獲減免全年商業登記費，利得稅亦繼續減75%，上限2萬元。
預算案又提出增加大學生實習資助名額，撥款9億元吸引人修讀護理、旅遊與款待等指定專業嘅自資學位。政府亦大手筆撥款20億元成立創投基金提供配對私人基金。不過長生津、高齡津貼就「縮水」，由去年出「三糧」變返出「雙糧」，但亦推出為期3年嘅長者iBond。