【拆局】
財政司司長曾俊華第9份預算案，獲泛民及建制派支持，預算案大談何謂真正本土，更被議員視為參選特首「宣言」。有立法會議員直言，曾會否參選，主動權在北京，而曾雖較特首梁振英更受泛民接受，但對曾來說是一把「雙面刃」，「對北京一啲鷹派嚟講，曾俊華佢哋唔接受，可能近來越來越強硬嘅林鄭月娥，更受班鷹派支持」。
鷹派若棄梁 或撐林鄭
不少認同曾俊華的泛民及建制議員均指，曾不論能力、人和均較梁振英佳，「唔敢話泛民一定唔同曾俊華打交，但正如田北俊講，梁振英一日就諗住打交，結果一日打足七次；曾俊華肯講道埋，起碼七日先打一次」，北京理應知道社會穩定對經濟的重要，「除非（北京）想搞死香港國際金融中心地位，否則冇理由仲撐梁振英」。
不過，有另一泛民議員相對悲觀，指北京對香港政策仍然由鷹派主導，「用曾俊華即係承認佢路線錯誤，佢哋情願搞死香港，都係要撐梁振英連任」。
該議員認為就算鷹派被迫換走梁另找特首人選，他們也會選擇近來越來越強硬的林鄭月娥，「撐林鄭起碼保住佢哋強硬路線不變」。
■記者莫劍弦