【全城熱話】鍾嘉欣昨日承認與梁乃鵬姪兒Jeremy上年底已結婚，更默認雙喜臨門，其好姊妹及全城藝人都紛紛恭喜她。
馬浚偉：之前知道佢哋有呢個決定，嘉欣請我過去，但係我喺杭州拍戲，度唔到期，惟有後補同佢哋食飯。之前已經同佢哋見過面，食過飯。戥佢哋結婚咁好消息開心，希望佢踏入新階段，祝福佢樣樣都開心，佢哋兩夫妻都係好好嘅人，Jeremy都係好好嘅男人，我覺得佢哋天生一對，希望佢哋婚後有更加開心、幸福嘅生活。
佘詩曼：好戥佢開心，我上一、兩個月喺新加坡做嘢見到佢，佢同我講識咗個幾好嘅人，但冇話係未婚夫或老公，佢真係好蠱惑，當時佢條裙好貼身，唔見有肚腩仔。
胡杏兒：我好戥佢開心，我亦知佢好開心，嘉欣有邀請我同Philip去婚禮，我哋都好想好想過去，嘗試改機票，但因為一早安排咗蜜月嘅行程，所以搞唔到，佢哋真係好襯，我哋衷心祝福佢同Jeremy白頭到老，永結同心！
王祖藍：終於不用再和老婆守這秘密了！衷心祝福好朋友、我老婆的好姊妹！願主祝福你和Jeremy白頭到老！不用做嘉欣BB，做好太太吧！
黃宗澤：恭喜嘉欣覓得真愛，最緊要幸福快樂，想唔到佢咁鬼秘密，快成咁，連我都呃埋，返嚟一定要佢補請我飲喜酒。
劉松仁：還有我呢，我也有為你守秘密，你忘了？恭喜恭喜，為你們高興，為你們祈禱。願主祝福你們永結同心，白頭到老！
李亞男：祝福你姊妹！願你們永遠甜蜜，白頭到老，永結同心。很為你高興，感動，終於找到了Mr.Right！May God bless your marriage.
王君馨：Congrats my dearest dearest Linda n Jeremy.
朱璇：我都係今日先知，仲問佢啲姊妹，知道之後好恭喜佢，戥佢開心，我唔知佢係咪大肚，留番佢自己講。
林峯：啱啱聽到呢個消息，恭喜佢，恭喜佢。
馬國明：祝佢哋白頭到老，快啲生個得意BB，私下我會短訊恭喜佢。等佢返嚟得閒先食飯，我會排隊等吓。