喺以色列出戰RS:X組風帆世錦賽嘅香港女將盧善琳（圖左），無懼風速達到每小時10海浬嘅挑戰，喺周二最後兩場資格系列賽分別取得第七同第六名，總成績升到第五名！隊友陳晞文就表現欠穩，只能排第12位。男子隊方面，鄭俊樑同梁灝雋暫時分別排第16同第37名。港隊會透過今次比賽嘅表現嚟決定奧運名單，經過四場資格系列賽後，四位港將周三休息一天，預備周四展開嘅決賽系列賽！