周二歐聯祖雲達斯主場對拜仁慕尼黑，前祖記、現任意大利國家隊教練干地（圖）入場睇波，基本上都好合情好合理，不過身邊仲有車路士技術總監艾文拿路，就引起好多猜測嘞，有傳車仔就係想搵干地下季入主史丹福橋球場做新任領隊，而且干地今次入場除咗考察吓祖記嘅意大利兵，為六月歐國盃決賽周做準備外，仲考察埋舊部、今季由祖記轉投拜仁嘅中場維達爾，如果順利入主車仔，干地第一個收購目標就係呢位智利國腳喎。