財爺噚日宣讀新一份財政預算案，其實佢都係讀咗一個半小時左右，同舊年差唔多，點解金融服務界立法會議員張華峰聽到要用雙手捽眼（圖）呢？乜財爺把聲真係咁有催眠作用？還是因為財爺預告，證監會與港交所（388）計劃短期內就提升上市規管架構，進行聯合公眾諮詢，張華峰諗到到時會好多嘢做而無眼睇？