喺梁班子內民望最高嘅財爺，噚日一早到咗立法會，準備演出佢嘅「真‧本土」個人騷，與此同時，做人處事亦非常香港仔嘅政制及內地事務局局長譚志源，亦好早到咗議事廳，唔知係咪好心急要聽吓鬍鬍曾有乜撐本土新猶。
但譚志源喺自己個位坐咗冇耐，可能太悶，走到前排坐喺律政司司長袁國強個位，同鬍鬚曾吹水，坐住SJ位嘅譚志源手舞足蹈，唔知有乜咁好傾？
傾傾吓，正牌SJ袁國強殺到（圖），之但係，譚志源傾到欲罷不能，無意讓座喎，搞到袁國強要暫時坐住政務司司長林鄭月娥個位。當然啦，同政府宣傳嘅政改方案一樣，CS個位只係坐住先唔係坐一世，譚志源吹完水返原位後，袁國強就坐番佢應有嘅位置咯！