崔碧珈、陳婉衡、莊思敏等人前晚在尖沙嘴出席電影《PG戀愛指引》首映，今次莊思敏終於爭番啖氣，穿上一件中門大開的晚裝示人，崔碧珈和陳婉衡亦大晒事業線，吸引了逾30名龍友在場喪影。
莊思敏透露抱病上陣，她說：「之前講好咗，就算唔舒服都要支持，醫生都有叫我着多件衫，不過冇辦法，但係我做足晒安全措施。」崔碧珈重提與陸駿光的床戰，她笑說：「好搞笑，屋企人打嚟問嗰場戲係咪真做，我答到口水都乾，話只不過係做戲。」陸駿光亦說：「我拍嗰陣都唔覺，睇番報道先知原來咁激，我老婆睇完冇介意，反而如果拍男同男會有少少介意，遲啲會同佢入場睇。 」
採訪：曹家誠
攝影：陳俊強