兩兄弟係隊友大家就見得多，但「兩公婆」踢埋同一隊，大家又見過未呢？些路迪今年一月以150萬鎊（約1,600萬港元），從米迪蘭特簽入24歲丹麥國腳中堅施維亞真高（左），但原來佢個女友安妮（右）都係踢波，仲要代表過丹麥踢U17女子世盃，於是些路迪索性簽埋安妮入女子隊。不過，安妮𠵱家大緊肚，預計七個星期後至生得，所以最快要到下季先可以幫些路迪女子隊比賽。安妮講笑咁話：「我15歲就入選丹麥國家隊，踢過青年軍、U17、U19同埋U21嘅國際賽，我覺得自己應該勁過佢囉。」