西布朗上周六英足盃被雷丁淘汰，中場布拉特（圖）更加被銀仔掟中搞到流血，英國警方就做到嘢嘞，經過調查成功拉咗一位男觀眾，據報佢係西布朗球迷，因為不滿球隊輸波而掟銀仔發洩；雖然愛隊輸波就真係好嬲，不過佢做出傷害其他人嘅行動就唔要得，警方準備控告傷人罪之餘，西布朗之前講明，如果搵到真兇就罰佢終身唔可以再入場睇西布朗比賽，一時衝動搞到咁，就真係要反省吓嘞。