最近看到一個電視廣告，feature咗13種香港人，來自不同背景、扮演生活上的不同角色，但全部都叫惠家仁，其共通點都係為家人謀取幸福，默默耕耘，不辭勞苦。在facebook留言，仲有惠家仁親自答覆，送上溫馨語句及鼓勵。
星爺本身是最佳宣傳
先唔好理有幾多係自己友或槍手留言，廣告係拍得有心思的。有時好多品牌做了這些形象廣告，對於提升品牌形象及知名度、改善喜愛度，效益有多大，投資的ROI又如何，實在難以評估。我講咗咁耐，到底有幾多人知我講緊邊個廣告？而呢個廣告又係賣緊邊個品牌？
惠而浦？三菱？惠康？
電影唔同電視廣告。電影的幕前幕後及故事訊息絕大部份都公開宣傳，眾所周知。就好似《美人魚》嘅一眾主角林允、鄧超、羅志祥，以星爺近年執導的電影來說，提倡環保作主題，凸顯了新一代中國富人的自私、不擇手段。該片在中國上映12日就以24.4億元人民幣刷新華語片票房紀錄，不到一個月，突破28億元。
開拍商業電影，ROI首講票房。要贏得票房，原因不外乎casting、劇本、導演。周邊因素例如3D特技、配樂、攝影、社會話題性。說穿了，仲要靠宣傳。星爺本身就係最佳宣傳，再加埋請你全日任搭天星小輪、八爪魚小豬嘅咁啱得咁蹺「我是中國人」事件、林允的過關斬將選拔都幫到部戲預熱。最後咁收得，大圍似乎都係like多過彈。
你唔好理，佢揀農曆新年檔期，大家都係務求輕輕鬆鬆、一家大細出街睇場戲笑完返屋企。至於佢想帶出嘅環保訊息，可以說係一個有社會話題性嘅背景，而用美人魚，就係一個劇本嘅point of difference。我絕冇能力亦冇相關資料去懷疑星爺對於宣傳呢個環保訊息嘅初衷，然而，事實證明，這個訊息清晰咁傳開咗，金錢收凸咗，也娛樂咗大眾。好可能，連各位辛辛苦苦擔起頭家嘅惠家仁都入場睇咗笑餐飽。
做廣告同電影的共通點，係希望娛樂大眾之餘，可以感動同影響觀眾。《美人魚》，一舉多得，唔使你讚，佢都係贏！
文廸晞
mailto:[email protected]