社會主義入侵美國，今年之內仍然係一種概念、一種恐懼，只會先影響股市，可見將來未談得上實質經濟影響。作為亞洲區資金最自由流通嘅地方，香港長遠可能面對美國社會主義衝擊，但屬於虛無嘅因素。呢啲或許可當吹水嘢，但另一項最當眼嘅負面因素已經殺到埋身，冇得唔理。
自從中國資本賬封鎖嘅一刻開始，香港資金流通就少咗人民幣走出去呢條水；另一方面，香港金融市場近幾年最大功能，就係成為外資進入中國嘅橋樑，但呢一刻外資喺中國資金有入冇出，咁之後仲有幾多外資有興趣透過香港進入中國？只係少咗一半都還得神落。
好衰唔衰，香港近年不斷赤化，等於中國對外宣示霸權，就算外資唔怕怕走佬，嚟香港插旗嘅興趣都大減，可見將來香港冇新外資進駐，內地企業進駐香港嘅規模亦同時大減，對香港打擊絕對大，尤其金融業，幾可肯定唔使請新員工，因為未來幾乎唔會有新業務需求。
呢個充份解釋咗點解香港滙豐同恒生（011）同時有凍薪嘅決定。莫講話滙控（005），業務只係喺香港嘅恒生，長遠股價前景都唔慌好，因為冇新業務，代表恒生可見將來都好難有收入增長。
打稿打到呢度，唔好話讀者們，小弟都越諗越滴汗。
晉佳
https://www.facebook.com/advanceguy1/