周麗淇（Niki）昨日於銅鑼灣出席活動，這是她今年的首個工作，Niki表示公餘希望抽多點私人時間做慈善，她說：「工作太攰，唔可以成日掛住搵錢，今年希望可以分配好時間，做多啲慈善回饋社會，會去山區、起學校，通常對象係老人家或者小朋友。」
提到做慈善的難忘事，Niki憶起之前到印度作慈善探訪的經歷，她說：「當時有高山反應，因為之前我唔知道唔可以沖涼，血氣運行快，見暈，人好腫、嘴唇發紫，未見到需要幫助嘅人，就要人幫番我，要打針休息，自己仲諗係咪會死喺呢度。」而Niki未來更計劃探訪智障人士，她說：「我知道要上堂training，要訓練吓同佢哋溝通嘅基本技巧。」
採訪、攝影：羅慧敏