繼上次卡樂B出完法國甜品口味「Crème Brûlée焦糖燉蛋味」後，轉眼立即嚟到鬥牛王國西班牙！今次推出兩款西班牙經典口味，西班牙海鮮飯味和港人最愛辣肉腸pizza味！先說西班牙海鮮飯味，炒飯味略淡，但蝦味勁出，有點像不辣版的熱浪；而辣肉腸pizza味則用了平時pizza味薯片做法，再加上辣肉腸調味粉，半溶芝士味濃郁，亦帶有一點辣香。產品分別於2月下旬（《西班牙海鮮飯味薯片》）及3月上旬（《西班牙辣肉腸薄餅味薯片》）發售，喜歡西班牙美食的薯片迷記得咪錯過！記者：李泳烔攝影：梁志永