懷孕4個多月的關心妍，昨日在屯門拍攝MV《空心人》，肚子微隆的她由助手扶着出入，也帶備輕便消毒器。上圍升Cup的她笑言：「未見過自己咁震撼，估唔到幾個月已經咁澎湃。」下月便知道BB性別，但兩夫婦較喜歡生女，預產期約在她生日，問關心妍會否剖腹生產？她說：「未知，但首先要book床位，聽講都好緊張。」
丈夫楊長智可會有任何獎勵，關心妍說：「應該係我畀佢，今年係拍拖連結婚10周年，都等咗咁耐先有，已經等咗好耐。」她得丈夫悉心照顧，不用工作時要留在家，她說：「佢好緊張，仲有朋友提我有乜注意，但家中細狗最初知道後發脾氣亂屙尿，𠵱家接受咗，我都日日講。」
採訪：王連連
攝影：陳慧安