綽號「火箭」嘅英格蘭球手奧蘇利雲（圖），喺周日威爾斯桌球公開賽決賽以9:5反勝澳洲球手羅拔臣，第四次喺呢度封王，同時追平咗戴維斯同希堅斯兩位名宿嘅28次個人排名賽奪冠紀錄。不過，火箭今場贏得唔輕鬆㗎，佢曾經落後過2:5，但最終靠住心理醫生教落嘅方法，頂住壓力先可以贏波。長期受失眠困擾嘅火箭仲話要好好休息，迎接四月世錦賽。