周日西甲皇家馬德里同馬德里體育會雙雙失分。皇馬作客馬拉加，基斯坦奴朗拿度（C朗、圖）近五場西甲作客比賽以嚟首次入波，但之後射12碼宴客，到下半場失守被逼和1:1，𠵱家已經落後榜首巴塞隆拿九分。馬德里體育會喺主場迎戰維拉利爾就互無紀錄收場，落後巴塞八分。皇馬同馬體會會喺下輪西甲碰頭，邊個喺呢場馬德里打吡輸波，睇怕就正式同今季聯賽冠軍講拜拜咯。