做咗好耐羅馬「太子」嘅迪羅斯 （左）下季睇嚟有機會坐正，因為39歲嘅「狼王」托迪（右）同教練史巴列堤不和，有機季尾離隊。羅馬禮拜日主場大數巴勒莫5:0，托迪冇份踢，因為佢賽前批評球會，話要佢成日坐後備，好唔尊重佢，結果史帥就索性將佢踢出隊。如果將帥關係冇改善，睇嚟托迪都唔會再續約。迪羅斯做咗好耐羅馬副隊長，由廿幾歲做到家陣32歲，啲網民都笑佢係「球壇查里斯王子」，如果佢夏天唔走的話，應該可以一嘗羅馬正隊長嘅滋味。
