亞洲室內田徑錦標賽周日喺卡塔爾多哈舉行最後一日賽事，港隊傳嚟好消息！21歲「跳遠王子」陳銘泰（圖）喺12人參加嘅跳遠，為港隊贏得今屆唯一一面銅牌。阿泰喺第一次試跳就造出7米79，雖然其後兩跳都失敗，仍然殺入最後八人決賽；佢喺最後一跳造出7米85佳績，以0.03米之差力壓日本選手得第三，冠、亞軍就分別由中國同印度選手贏得。阿泰對於今季首戰就跳出接近個人最佳7米89嘅成績，都覺得好意外：「之前冇諗過㗎！咁嘅成績都好意外。」女子跳高方面，港隊女將楊文蔚就造出1.70米，得第六名。