F1車隊平治近兩屆38個分站贏足32站，唔少車迷都好期待佢哋新賽季嘅表現。力求三連霸嘅平治亦喺周日正式公佈2016賽季新戰車W07，當然唔少得搵「黑帝」咸姆頓（左）同羅斯保（右）試車。W07同上季戰車望落差唔多，技術總監路維就話已經改善過啲零件，所以部車嘅表現會更好。新賽季首站下月20日就喺墨爾本舉行，唔知黑帝可唔可以靠新車，成為首位四奪總冠軍嘅英國車手？