為了買新手機或第一時間嘗試新食肆兼打卡，究竟可以去到幾盡，鍾意排隊係咪病態？香港人喜歡排隊，早前朱古力店雪糕買一送一，大批市民打蛇餅排隊兩小時，只為節省22.5元。精神科專科醫生指出，不少市民對新事物很好奇、「要威」，加上羊群心理及怕執輸，導致每當有「著數」或新產品推出時便不惜花時間排隊，但未必會分析實際價值，建議市民多「食腦」，想清楚是否必要花時間排隊。
記者：陳沛冰
荃灣一間韓國家品及時裝店早阱新開張，吸引逾百人排隊搶購限量貨品。精神科專科醫生李德誠表示，香港人對新事物充滿好奇心，當有新食肆或新手機等新產品出現，容易吸引人排長龍光顧，「想快啲試吓好唔好食，好唔好用」。有人為了要威，「試完新食肆、新蛋糕可以返office威，或者將相post上網呃到百幾二百個like。如果唔排隊，第三日先去就無價值，所以要爭」。
李指，羊群心理也造就排隊人龍，坦言曾有病人問他「點解你診所無人排隊」，不少人都認為店舖有人排隊，才代表受歡迎，「跟住大家去，就覺得係好嘢」。怕執輸也是一種心態，就像當年日本311大地震，傳出食鹽含碘有助減低輻射，導致市民盲搶鹽，「總之就排，唔好執輸」。
不過，喜歡花時間排隊不一定有問題，但李建議消費者「計清楚條數，唔好幫人宣傳」，有時製造人龍是做生意手法之一。若真的為了獲得自己想要的東西，或希望在網上post相片或食後感呃like，也無可厚非，但不應人云亦云，「見有條龍就去排隊，或者大家話要去排隊就去，可能自己未必需要食嗰件蛋糕」。在這個食腦時代，消費者應多思考消費行為。