資深音樂人盧冠廷昨日現身金鐘宣傳6月舉行的演唱會，其太太亦有現身撐場。主辦商送上一棵植物給盧冠廷，寓意他是樂壇長青樹。盧冠廷接受訪問時，透露自己已有8年冇開過演唱會。他說：「除咗6月嘅演唱會，5月我仲會出一隻新唱片。80年代我試過喺高山劇場開騷，嗰時唱到尾聲我要跪拜啲人先肯走，要超越之前實在有啲難度，所以今次搞到我騰騰震！」
盧冠廷透露今次演唱會將會搞搞新意思，歡迎有才華的音樂人和他合作：「呢個idea係我揸車嗰時諗到，香港有咁多有才華嘅音樂人，應該要廣泛招攬佢哋，無論玩樂器叻甚至拍枱拍得出色，只要佢哋拍條片放上我哋個官網，俾我揀選到嘅人都可以同我一齊玩音樂。」
採訪、攝影：卓寶花