上周六喺尼斯出戰法國青少年公開賽嘅香港代表隊有唔錯嘅成績，U15女子代表李嘉宜同黃芊柔出戰團體賽，後者喺四強嘅第二場女單落後0:2之下，力追至3:2反勝，最後佢哋總場數贏捷克3:0入決賽。兩位小將喺決賽鬥俄羅斯繼續發威，以總場數3:1贏埋冠軍㖭！至於香港U18女子團體代表劉麒、麥子泳同梁葭蘊，喺四強亦以3:1擊敗東道主法國入決賽，可惜最後以0:3不敵俄羅斯，僅獲銀牌。