美股將進入關鍵一年，今日先寫序。中國2009至2015年廣義貨幣供應M2增長逾兩倍，非實質經濟所需部份M2供應就大增67.5%。美國又點？呢部份增長只有21.4%，反映貨幣供應比2009年初，泡沫並不嚴重。回帶至2008年，美國佬10個煲得3個蓋去冚，然後推出QE1，大家一面倒睇淡，以為貨幣供應會惡性膨脹，製造更大炸彈。
點知美國流通貨幣M0大增，M2只溫和上升，效果係一箭雙鵰，第一係令美國人信心穩定番，當初瀕臨爆煲嘅美國銀行同企業，買時間固本培元，令危機逐步解除；第二，一個「假動作」引到中國中伏。
美國QE1至QE3呢3個蓋冇極致運用，就將10個煲逐步搞掂，虛招勝有招，咪話唔高章。呢一刻美國處於增長與衰弱之間，國力未見大損傷。中國絕招盡出，打到自己內傷，恐防10年翻唔到身。金融戰入緊直路，美國準備完勝。美股同中資股之間，若當作兩間企業咁睇，自然高下立見。美股估值貴、但有優質管理層；中資股估值平、但有劣質管理層。長期嚟睇，估值高嘅優質股，會長期跑贏低殘劣質股。
美股過去基本因素強勁，但買股票係睇將來。今年，美股最強嘅敵人就係自己，有一項重大因素，影響美股以至香港前途，明日續談。
晉佳
https://www.facebook.com/advanceguy1/