上周跟某地產集團高層拜年，相互恭賀一番後，該高層語帶感慨說：「做咗差唔多成40年嘢，真係未見過香港經濟情況咁差！（真係咁恐怖？）係呀，真係好唔得呀，或者咁講，好多衰嘢未真係爆出嚟，但已經睇到好多嘢，都向緊差嘅方向行，唔係講玩㗎！」
高層繼續說：「之前某大銀行阿頭都講過，佢入行咁耐見過10個金融風暴，我都真係見過呀，每個都係親身經歷㖭……今次呢個風暴，同以往嘅好唔同，例如以往當部份國家或地區經濟好唔掂，但同時間，都會有啲地方經濟會好啲，對香港嚟講都叫做有個水泡攬吓，但今次係全球性都咁衰，無個地方好！」
全球無淨土？高層指這還未算最恐怖，他說︰「過去10個金融風暴都有個共通點，就係由於中國經濟仍處於封閉狀態，所以中國經濟無受到重大衝擊，甚至乎喺風暴中受惠，香港經濟好多時就係因為咁，可以好快咁企番起身，但今次中國幾乎係風暴嘅風眼，你話恐唔恐佈？」
怎麼辦？高層聳聳肩說︰「除咗祈禱，應該無嘢好做。」噢……
密西比