位於中環的歐陸嘉年華開幕以來先後吸引李嘉欣和陳豪等藝人帶同小朋友捧場，而前日嘉年華閉幕前夕，張栢芝也帶同兒子Lucas和Quintus到場耍樂，就連甚少公開露面的吳鎮宇太太王麗萍，也帶同兒子Feynman與栢芝一家同行，認真熱鬧！
讀者譚小姐前晚透過本報「爆相爆片」報料，指前日下午5時許於嘉年華碰見栢芝與兩個囝囝，以及王麗萍與兒子等人，但就未見鎮宇影蹤。譚小姐昨在電話中說：「本來我同小朋友排緊隊玩蟲蟲過山車，點知排排吓突然有幾個工作人員帶住栢芝成班人上去玩過山車，唔使排隊，當栢芝好似女王咁看待。」問在場排隊人士可有鼓譟時，譚小姐表示：「咁就冇，因為好似去迪士尼咁，都不時有VIP唔使排隊入場玩。」
Feynman表現興奮
之後栢芝與Quintus坐在過山車頭位置，Lucas、王麗萍、Feynman及栢芝友人則坐後幾排，開車前栢芝還在講電話。不過，譚小姐指Lucas和Quintus玩過山車反應僅是一般，未及Feynman般表現興奮雀躍。栢芝於2004年曾與鎮宇合作拍攝電影《小白龍情海翻波》，未知是否因此跟鎮宇一家變得熟絡。
採訪：魯吉
