今個月PSN有隻免費遊戲《Helldivers》，相信唔少機迷都知道係好嘢，筆者早就同三五知己約戰射餐飽。不過不幸地，同屋阿哥都係機民，PS4只有一部，佢又煲緊隻《Fallout 4》，為免流血事件，我決定拿出床底的封印神器PS Vita。
PS4和PSV版的《Helldivers》相同而且互通，本來在PS4已開了game，PSV用同一個PSN帳戶安裝遊戲，不用做任何設定，已可玩到之前的存檔。遊戲原本要以R2入子彈、L2擲手榴彈，PSV改用機背觸控板，玩落都算順手，亦可以接駁耳機，朋友用PS4都可加入同一個party，語音通話傾住打。手提機仲可以攤在床上玩，成個體驗package真心唔錯。
嗱，老實講手提遊戲機已步入黃昏，近年只有日本廠會出實體3DS、PSV遊戲，其他就是網上小品作。除非你對《初音》、《艦娘》等日系或者萌遊戲有愛，都唔建議你花錢買部新機，不過亦要一讚Sony在PS4、PSV的連動上下過功夫，可惜的是目前像《Helldivers》那樣「一game多味」(官方用語為cross-buy，一個價錢買齊PS4、PS3及PSV多個版本）的做法比較少日本遊戲做到，如果隻《鍊金術士》都可做到，屋企喺PS4打完出街繼續玩PSV ，對我等日系機迷實是一大福音。
記者：司徒港燊
