求驗客手記:西布朗悍將中「頭獎」

求驗客手記:西布朗悍將中「頭獎」

香港億元六合彩下個月先開,不過西布朗中場布拉特就先中「頭獎」,上周六英足盃16強作客雷丁,雖然西布朗由中場費查先開紀錄,但就以1:3輸波出局;布拉特原本賽後去自己球迷區感謝支持,但有球迷唔忿氣就從看台擲銀仔(圓圈示),結果擊中布拉特,好彩只中眼底,如果高多兩吋隨時盲埋,西布朗領隊普利斯同球會都出聲明反對暴力,而呢位擲銀仔球迷,料畀球會處分終身禁止再入場睇西布朗比賽。