人民幣力量真係沒法擋，繼朗尼、巴洛迪利等新舊英超球星傳去中超落班後，前英格蘭國家隊、現任中超上海上港教練艾歷臣就繼續發功，力邀今夏同車路士完約嘅前英格蘭隊長泰利嚟中超，艾歷臣仲大讚泰利係過去15年最佳後衞之一，到今時今日仍然出色，以佢嘅能力同經驗一定可以喺中超大放異彩。除咗35歲嘅泰利，另一位前英格蘭國腳、曼聯中場卡域克今季亦約滿，佢亦都傳出成為中超球隊力爭對象。