【本報訊】愛可衝破地域、語言和年齡隔膜，就連身體殘障，也無阻兩人相愛。視聽障人士阿來，眼全失明、嚴重聽障，以現在論「package」擇偶，大概要包尾，但來自泰國的阿妹對他不離不棄，結婚30多年，愛阿來的細心、純品，始終如一。上一輩人總將愛埋在心底，阿來一臉認真地多謝太太，「搵個好嘅太太好難得㗎！」
阿來3歲時因發高燒令耳朵、眼睛受損，影響說話能力，導致夜盲症、左右耳聽出來有大細聲。那些年，阿妹21歲，經朋友介紹從泰國隻身來港，認識比她年長12年、當時在市政局清潔部任職的阿來。阿來不懂泰文，阿妹不懂廣東話，恰巧二人都懂潮州話，兩人便逛街市學廣東話，姻緣便由此萌芽。個多月後阿來和阿妹決定結婚，一牽手，兩人便由1980，走到2016。
「我希望佢走先過我」
阿妹憶述第一次見面時，對阿來印象麻麻，阿妹笑着說：「佢個人唔係咁企理。」但相處下來，阿妹發現阿來細心、純品，婚後更發現阿來是顧家好男人，「就算夜晚放工返嚟都冇嗌辛苦，幫手換尿片」。
與阿妹結婚時，阿來仍「睇得聽得」，一日打兩份工養妻活兒，雖養大一女兩子，但亦令眼疾惡化。1996年，阿來雙眼神經線漸漸壞死，得了白內障和青光眼，只好停工。之後視力日差，現在眼只看見光。
元宵佳節阿妹的願望，聽來有點悲觀，但充滿愛，「我希望佢走先過我，因為如果我走先，我會走得唔眼閉」。
■記者周詠雯