每隔四年先會舉行一次嘅足球比賽，大家第一時間會諗起啲乜？話說樂視周日喺fb上載咗一幅高舉獎盃嘅圖（圖），仲話呢個係「四年一遇嘅盛事」，有好多網民就喺度估，到底樂視係講緊歐洲國家盃，抑或係世界盃。不過我求大俠認為，幅圖隻獎盃望落有啲似歐聯嘅「大耳仔盃」，樂視似乎係想暗示會播同歐洲有關嘅賽事；再加上今屆歐國盃將會喺六月舉行，樂視買到個轉播權，𠵱家開始宣傳吓都唔出奇。