沙地同俄羅斯等產油國之間嘅凍結產能磋商，如果要以一句說話來形容，我會揀，「Talk is Cheap」。石油輸出國組織（OPEC）大佬沙地跟委內端拉、卡塔爾及非OPEC成員國俄羅斯同意凍結產能到今年1月中水平，總算為全球供過於求嘅死結鬆綁。油價上個星期跌勢喘定，紐約期油上周升0.7%，收報每桶29美元水平；倫敦布蘭特期油跌1.1%，收報每桶33美元水平。
沙地同俄羅斯等國企喺凍結產能的一方，大家圍埋傾吓，了解伊朗原油產量有幾多先係最實際。過去兩年，沙地被「油價大熊」重襲至「流血不止」，外滙儲備勁縮水，國家主權基金更要股債齊沽班資回朝。俄羅斯又肯參與，出口術之心人人皆見。俄國推冧盧布，以本傷人方式開採石油喺油市博弈。估計凍結產能協議一日未到下月1日嘅期限，大家繼續口水多過浪花。
消息或有利油價短期走勢，凍產協議磋商的起因之一是油價暴瀉，其次係想聯手對抗美國爭奪油市份額。美國亦出手解除1973年石油出口禁令，仲有主要石油消耗國中國、歐盟國同印度等國家表態買美油，美國仍然穩握油市的話事權，完美示範了「精人出手，笨人出口」。
Captain Cool
本欄逢周一刊出