陳奕迅前晚一家三口去澳門睇麥當娜騷，更幸運地被揀中上台，其間Eason喪跳到瞓地，被娜姐又拍又踢屁股，娜姐笑問是否香港的獨特舞蹈？他鬼馬答：「不是，只是儍佬跳舞。」之後娜姐除了Eason的眼鏡戴上，笑說：「你好看好多。」又問他飲了多少杯？Eason開心說：「不用靠飲酒，我是自high。」
獲讚表演無得頂
之後娜姐問Eason拿錢，更伸手入他的褲袋摷錢，Eason掩面大笑，最後頒了一隻香蕉給他：「你值得擁有一隻蕉，你的表現無得頂。」又叫他舔蕉，Eason尷尬說：「我的女兒在台下。」娜姐笑說：「你家裏有Xbox，你可以用隻蕉和Xbox怎搞都得。」完騷後Eason食住蕉離場，開心說：「我喺台下跳得好high，娜姐嫌觀眾唔夠high，所以工作人員請我上台。我梗係勁興奮啦，麥當娜喎！同埋我感同身受，平時開演唱會都嫌啲人冇反應。好開心，好似去咗另一個空間咁！」
城城望遠鏡偷師
前晚坐包廂用望遠鏡睇騷的郭富城，錯失了被揀中上台機會，昨日他到亞博館出席浪琴錶活動，笑笑口說：「我用望遠鏡睇到好多細節，見到Eason好開心，但唔講嘞。」問有否衝動落去跳舞？他說：「講笑咩，我係觀眾啫，佢過場舞蹈員嘅演出畀我衝擊，今年個唱要勁過麥當娜。」
採訪：盧妹、黃曉妍
攝影：仇志德、陳慧安
