亞視前副總裁趙汝強昨日在灣仔出席世界太太全球總決賽宣傳活動，他表示目前仍在休假中，未來會有新去向，對於亞視復播新聞報道，及盛傳今日有糧出一事，趙汝強說：「一個冇誠信嘅人，難令大家相信，我哋緣盡於此，聽講聽日係出舊年12月份糧，（今年）1月都未有，大家都希望事情有個了斷。」趙汝強直言他是10A（《僱傭條例》）走，對出糧冇期望，只係希望前同事有糧出。同場的魏秋樺亦說：「對出糧信心一半一半，希望唔好再令員工失望，咁樣好難過。」
此外，今次總決賽本來有意在亞視錄播，趙汝強說：「暫時動向未明，我在任時曾經傾過，未知亞視捱唔捱到。我最遺憾係亞姐，原本話呢個月28號搞，嗰陣諗住會出晒糧，但𠵱家似乎危危乎！」
採訪、攝影：卓寶花