求驗客手記︰
加利佬牛一華倫派六蛋

西甲喺呢個周中威晒，皇家馬德里先喺歐聯贏羅馬，之後四支歐霸盃西甲代表都先拔頭籌；其中贏到球迷O晒嘴嘅，梗係加利尼維利（小圖）領軍嘅華倫西亞（白衫），喺32強首回合主場大炒維也納迅速6:0。禮拜四係加利佬41歲生日，唔知華倫班球員係咪想送份大禮畀佢，35分鐘已經入咗五球，加埋洛迪高摩連奴埋齋派足六蛋。衞冕嘅西維爾就喺主場大炒莫迪3:0，而維拉利爾同畢爾包同樣以1:0贏咗拿玻里同馬賽。