英超球迷要清醒，雖然英超賺得多錢，但競技層面上已遠遠落後西甲。喺過去周中嘅歐洲賽，四支英超隊都贏唔到，除咗曼聯同車路士分別輸波，熱刺同利物浦喺周四歐霸盃32強首回合同樣作客和波。喺英超一帆風順嘅熱刺作客同費倫天拿踢成1:1，仲有中場迪利阿里（後）抽水輸品，一腳踢向倒地嘅托莫域（前）被罰黃牌，但呢個動作就算被逐離場都唔過份。至於利物浦作客德甲奧格斯堡就踢成0:0。