特首梁振英第4份施政報告又再不獲立法會致謝，不過噚日佢同教育局局長吳克儉，喺禮賓府繼續見青年民建聯，話想聽意見。青年民建聯主席顏汶羽話，呢次畀咗兩條橋梁特，第一就係畀多啲青年人加入政府嘅諮詢機構，規訂每個諮詢委員會有至少一成人係35歲以下，其次係同大陸傾傾，畀香港副學士畢業生銜接內地嘅大學，以及增加學生去一帶一路國家實習交流嘅資助基金。顏汶羽話梁振英表示積極考慮第一項建議喎。八方就覺得，第一項聽落唔錯，可惜時機已過，相信啲後生都未必有興趣入，或者肯入嘅只有梁粉囉！