亞視投資者司榮彬上周表示希望今個星期能出糧予亞視員工，但目前仍沒有聲氣。蔡國威昨日在會展寵物展擔任司儀，表示亞視仍拖欠其去年12月及上月的薪金，除已啟動僱傭條例10A外，立法會議員鄧家彪昨日以通訊業聯會名義，代他與袁潔儀、馮家俊、楊正軍及蔡梓銘，發信予亞視老闆司榮彬、藝員部及公關部黃守東，要求有關方面一星期內回覆，否則會去勞資審裁處入稟亞視清盤及索償。
「好想早啲解決」
蔡國威表示與勞工處及律師了解後，亞視藝員合約與一般僱主與僱員約有所不同，他解釋：「有啲似，但又唔係完全相同，個案比較特別，所以藝人都唔知自己可唔可以引用到僱傭條例10A。」蔡國威直言對亞視仍有感情，希望可以開會商討，他說：「如果佢可以一次過賠償，就當然解約啦，但如果公司每個月畀番錢，要我哋照做，咁就要坐低傾，起碼得個知字。一直以嚟冇人同我哋講過究竟拖糧係點，七日之後要出糧又冇出，好多嘢唔清唔楚，好想早啲解決件事，大家先有共識，再諗會唔會採取法律程序。」
蔡國威表示遇到不少人雪中送炭，目前都有接一些散job，他坦言：「有幾間經理人公司搵我傾合作，但聽日開始放假，唔想太突然亂答應合作。最近都好多人搵我做嘢，但為咗減少不必要開支，會賣咗架心愛嘅車。」他透露去年以30萬元購入Mini Cooper，他說：「買咗一年，想平手價放賣，因為係供，𠵱家又冇固定收入，有錢先買番囉。」
採訪：王連連
攝影：仇志德