繼自由黨張宇人曾經喺立法會大會中，唱歌獻警後，新民黨立法會議員田北辰（圖）昨亦喺辯論致謝動議中唱咗兩嘴。佢話，上星期旺角騷亂後，喺fb送咗首英文歌《Blowing in the wind》歌詞畀梁特，促請CY唔好再對社會問題視而不見。
佢即場獻聲︰「How many times can a man turn his head, pretending he just doesn't see？The answer my friend is blowing in the wind.」佢續指：「（特首）係咪繼續當睇唔到呢？或者真係諗一諗有乜嘢可以做呢？」不過只係唱咗兩句，二少話前晚瞓得唔好，「把聲沙沙地」。在席的政務司司長林鄭月娥亦不禁笑了起來。
不過政制及內地事務局局長譚志源喺答辯時寸田北辰，話佢斷章取義，話呢首歌其實係反戰歌，宣揚和平非暴力。